英國好物推介! 暗瘡護理+遮瑕神器，性價比爆燈
朋友都知英國係我第二個家，曾經多次返英國旅行的時候，平常很少有痘痘的我總是會出暗瘡的 (我諗係時差+唔夠瞓…)。上年回英又有痘痘煩惱，周圍揾吓試吓有乜好野。終於俾我揾到D正野，當然要開心share。
就係一款英國暗瘡護理的老牌子Witch, (由於唔係貴野+心急好返，當時一次過買了多款不同牌子比較，印象中有simple…當然Witch係勁正，其他已經唔記得啦!)
我先試咗佢款Witch BLEMISH STICK跟手買埋支專護理暗瘡既CONCEALER
STICK. 呢支CONCEALER STICK (暗瘡遮瑕筆)真係性價比爆燈，超好用，只售£3.99
(約$40幾港紙)，自此我就稱佢為神仙筆，係一個化妝袋不能沒有的物件。
點好用:
1)
有暗瘡護理既功效 (一面遮瑕，一面修護)，成日都覺得生痘痘勁醜，如非必要一定唔化妝，但有時無可避免，咁就成日驚越化妝，痘痘生得越勁。但用咗呢支神仙筆，遮醜之餘仲可以快D好返! 太正啦!
2)
Coverage 遮瑕度很好，膚色有兩色可選，我覺得亞洲人natural 就ok
3)
筆型非常輕巧，一次過買多幾支放係隨身化妝袋和家裡化妝箱
4)
配合早晚搽witch blemish
stick/ gel, 暗瘡加快好
5)
當然係價錢非常實惠，40幾蚊係香港買到D乜?
邊度買:
英國superdrug, boots, tesco
網上:amazon
今次返去當然入貨啦，仲發現咗支新野COLOUR CORRECTION STICK, 大概£4.99 (約$50幾港紙)，比較concealer stick 大支DD，而色澤係綠色，應該係平衡一些比較大的瘡，勁紅的患處，這個我買了還沒機會試。
另外，亦試咗佢WITCH DOCTOR GEL, 大概£4 (約$40幾港紙)蚊叮虫咬，皮膚敏感都可舒緩，因為本身好容易敏感泛紅痕癢，自己試過效果非常好!
另外，一款勁好用的去黑頭gel，無痛溶解黑頭，用完鼻頭立立靚，當然又係英國性價比爆燈之貨，平價抵用，下次再分享!
